OTM #1 - Sugar Lady - 河村隆一
OTM，Owl's Time Music，顧名思義就係深夜時份突然聽到的（iTunes Shuffle的啦！！），又想說一兩句，或是最近在loop的歌，都會在這個session出現。當然也視乎時間。其實算是無定向雜談吧。
或可以悲觀一點看成是Over Time Music......
想講好耐，我係好鐘意好鐘意好鐘意好鐘意超級鐘意呢個MV。
真係唔知點解。
可能真係好鐘意睇城市奔跑，同埋可能硬係要糟質下個男主角先睇得開心；一向筆下啲男主都唔會好過。
係，呢個用晒八、九十年代超老套唱腔嘅的確係LUNA SEA主音RYUICHI，只不過單飛個時除左由暗黑rock轉左做歡樂pop之外，佢係用返漢字全名: 河村隆一。
LUNA SEA五子啲solo都各有各精彩，都唔會離搖滾太遠。之不過由搖滾妖精一下子變身情歌王子 (條友真係10有8都係甜死人冇命賠嗰種黎) ，真係隆一先有咁嘅能耐。
而家仲唱埋musical，之前仲玩過classical，阿生，仲有咩你係未唱過架？
話唔想睇你solo live就假嘅，超想你開次MICLESS TOUR添，係我真係唔慣睇冇咩叫位同跳位嘅pop live囉XD
0 comments