Badass集中營
 |
| 狗狗化的全員集合！（Sources） |
這次嘛，會多圖少字的，而且只會有主要角色。因為不想愈說愈多製造劇透（
______________________________________________
1. Alucard
 |
| 難得chill out的表情…… |
特別設定：血淚。故事中Alucard是個會哭的吸血鬼（多愁善感的文藝中年？！），而且哭出來的都是血淚。老實說，這個設定我好喜歡，感覺夠悲涼，充分表達佢過去經歷過太多事情，真係我見猶憐。
興趣一：呆坐。身在Hellsing大宅又無特別任務的時候，他總係就咁樣坐響超大嘅地下室入面，唔知做咩，最抵死係瞓覺都響張櫈度。係喎，你副棺材呢？我唯一知嘅係因為張櫈個位座得好底，視覺上令佢對腳睇落長左；大爺，你本身已經好高大，唔使再刻意show長腿。所以外國惡搞版中佢向Integra勒索要部70吋plasma大電視都好合理——間房咁大，唔擺嘥晒，而且我仲要睇《Adventure Time》。該煨囉，原來堂堂「吸血宗師」係宅佬一名？
目測條友有成19Xcm，咁樣坐法，你大腿唔會酸嘅咩？話晒你都成500幾歲……小心身子呀。
興趣二：變身。保留古典吸血鬼設定，Alucard擁有隨意改變外貌的能力；在外傳《The Dawn》中自己也說過變身是個人興趣。響故事入面，佢轉造型仲多過啲女角，以下係一覽：
槍手造型。日常用，件外套應該有個百寶袋裝子彈，唔係幾時得黎有無限子彈？
「將軍」造型。最霸氣但又最sad都算係呢個，佢會即刻憂鬱咗但又唔知點解正氣晒，因此同時「爸爸」feel都好強。
左：件披風嘅著法真係型到冇朋友。右：嚴格來說，這才是Alucard的真身。
蘿莉造型。對於呢個形象，響fans之間有「Girlycard」之稱。之不過笑容依然咁狂傲，與其話係小女孩，其實我覺得似係一個頭髮比較長嘅男仔多啲囉。要變就著裙啦著咩黑手黨西裝呀你。
豪客造型。一句講晒，招搖到想一巴車埋去……
Jumpsuit造型。個人最鐘意呢個，因為一用呢個造型先會有齊返啲眼耳口鼻，雖然依舊長髮披面，但咁樣自然隨風飄又真係好萌……算吧啦都話黑色長髮食到我架啦。（其實佢係永遠都長髮披面而且長度永遠唔同，呢格超長下一格又會變返短，真心睇到嬲）。同埋唔用槍，赤手空拳同敵人打爽好多。
 |
| 感謝製作組施展還原靚靚拳！！Priceless的表情呀！！漫畫冇架！≧▽≦ |
2. Sir Integra Fairbrook Wingates Hellsing
 |
| 深色皮膚顯示有異國血統，事實上Integra一名在非洲國家是頗流行的。 |
國教騎士團指揮官，Hellsing當家，Alucard唯一會服從的主人。故事起初已被Seras形容為鐵造的女人，Integra是不折不扣的一個女王，比任何男人都要男人，除了長髮之外可以說是沒有女性特徵（扶額）但事實上她絕對不失女性柔情，整個設定也蠻完滿的。正如Crispin Freeman形容：「this one little girl has more balls than any other man」，Integra應該是不少男士都會避之則吉的女強人。（笑）不過唔係有咁強嘅mentality，戰鬥力唔高嘅佢點食得住Alucard？雖則貴族出身嘅佢劍撃同槍法都有一定程度，但不足以將嗰位吸血大叔控制在掌心之中。
雪茄精，故事中有一半甚至更多的時間都在吸，眾角色中一大compulsive smoker，但食起煙上黎又型到核爆。（吸煙危害健康，我敢說現實生活中冇一個女人會食煙食得好睇。THE END。）
平野老師的特別服務（摘至《Hellsing Illustration Selection》），Hellsing的家庭裝原來是女僕服………救命呀「英國名物」呀咩料呀 XDXD
3. Walter C. Dollneaz
地上最強管家，前「垃圾處理組組長」，Hellsing武器研發員，故事中貫徹古典英式優雅的角色。Walter有齊不同文學裡各著名管家的長處：Jeeves的周到、Alferd的風趣、比《黑執事》Sebastian Michaelis更強的身手，完美！別忘了Walter是人類，但就擁有可以跟Alucard平分秋色的身手，而Sebastian本來就是惡魔，身手好幾乎是理所當然吧。（笑）加上一言一行都有十足的風度，配上單邊眼鏡，Walter絕對可以為「管家」下一個超classy的定義！管家這個figure其實還是老伯伯好，代表經驗和慎密的心思，因此才可把少主人照顧好，甚至培養成才。
Walter外號「死神」，亦有「最強人類」之稱，是位精於用鋼絲為武器的隱世高手。話說這武器真係好好用，又方便攜帶，明智之選呀管家先生。另一方面，Walter同時都算係故事中Alucard少數傾到偈嘅朋友。（Strictly speaking Alucard係真係「冇朋友」……ORZ）
左：超badass的點煙表情，也是製作組的還原靚靚拳，漫畫是沒有這一幕的。右：這鏡頭我失敗了三次才cap到的呀呀呀！！
故事中亦有出現過他年輕時的外貌：
靚仔呀！加埋浪川大輔把聲，冇得輸囉。好期待英文版會cast到一把咩聲俾佢，定係要原本的voice actor用另一把聲去配，不過對我黎講有英國口音已經夠晒。
少年時期；由朴大姐聲演，我相信即使英文版也要另外找別的voice actor吧。這時候的Walter已經是個會吸煙的不良少年。有時真不禁想他在Hellsing家到底是接受哪樣的教育？事實上，Walter的身世、他又是為何早在少年時已被Hellsing家僱用，在故事中是沒有披露過的。
呃……這笑容會不會太犯規？你彷彿見到有粒★彈出黎咁囉……
4. Seras Victoria
前女警，新人吸血鬼，疑似Alucard為了解悶而收的徙弟。總是抗拒吸血而令自身的能力得不到控制及發揮，久不久就會暴走。由於是授血自Alcucard這位「吸血宗師」，潛能幾乎是無限大；最起碼是個力大無窮的怪力女，武器因此通常都是超重型的大炮。雖然Alucard曾指她是「下級中的下級」（lowest of the low），不過對她吸血一事，Alucard倒有十足信心，畢竟故事之初Seras可以吸引到Alucard「出手相救」，她某些個人特質也不容忽視。
前後對比。隨故事進展見到她愈來愈堅強其實也蠻振奮的。
個性純真，故事早期係經常被遭質嘅喜劇角色，Alucard和Integra更只稱她為「女警」。不過名師出高徒，後來Seras慢慢進化，成為獨當一面嘅Draculina（女性吸血鬼），風頭絕對同Alucard有得fight，師父佢老人家都老懷安慰；而戲肉就在於佢進化嘅契機。
5. Captain Pip Bernadotte
受僱於Hellsing的傭兵隊隊長，法國男（但推測有比利時血統），超級煙剷。說話輕浮，但卻是受部下擁護的好隊長，骨子裡係個有腰骨有膊頭嘅好男人。感覺同《最遊記》嘅悟淨有啲似，所以先起用平田廣明配佢？英文版就一口法國口音，久不久就「mon dieu」、「ma chère」，仲好聽。
 |
| 低能畫風可不只出現在他身上，總之一有搞笑情節，華麗會突變白痴。 |
出生於傭兵世家，精於調兵遣將，更是個擅長出奇制勝的謀略家。雖然見慣大場面，不過對比Hellsing，他始終算是來自正常世界，加上性格樂天佻皮，因此亦跟Seras一樣有喜劇作用，是個很討人歡心的角色。
______________________________________________
之後是跟Hellsing對立的梵蒂岡法皇廳特務局第十三課．Iscariot Organization：
1. Father Alexander Anderson
謎樣神父，身世不詳。平日是教會孤兒院的神父，實際身份為Iscariot的王牌怪物殺手，有N個外號，是擁有再生能力的改造人。故事中是Alucard的counterpart。
以槍劍為武器，係得到平野證實有百寶袋嘅角色，所以槍劍絕對可以無限供應。由於可以再生，Father Anderson的實力同Alucard不分上下，因此兩個人一見面唔理三七廿一就打，好煩。但要講佢勝過Alucard嘅地方，就係佢同時擁有利用結界移動的能力，開本聖經就會飛走。比起Alucard出入一定要帶埋副棺材，Father Anderson呢個能力唔只慳返機票，仲係真正做到light travel，好用過隨意門，羨慕。
2. Enrico Maxwell
 |
| 少見的正常表情，因此cap了上來。 |
Iscariot指揮官，Father Anderson等人的統帥，曾是神父的學生，媲美Jim Carrey的顏藝王（如果有真人版，都只有Jim Carrey可以勝任），Integra的counterpart。完。
______________________________________________
最後是Letzte Bataillon．Millennium 最後的大隊．千禧年：
Major
納粹組織千禧年的指揮，本傳中並沒有提及姓名，為故事最終boss。由於那篇「諸君 私は戦争が好きだ」（各位，我喜歡戰爭）的洗腦演說過於激昂及熱情而被稱為動漫界最帥的死肥仔。有著過人的意志及決心，是典型的領袖角色，更疑似係平野本人嘅化身。只可惜零戰鬥力，槍法奇差，點解可以參軍都依然係個謎。
______________________________________________嗯，以上。
當然，《Hellsing》的角色還有很多（尤其Maxell和少校的手下sssssssss），只是如果要說，就會有劇透的危險了！
0 comments