戲迷筆記 - Wanna Do手帳 (映画)

ワナドゥ!!手帳簡單說就是為 記錄某個event 而設的記事簿，例如「読書」是用來寫閱後感的、「映画」是用來寫觀映感想的，而「演劇」就是讓你記錄舞台劇的……在此不盡錄，但你get到係咩概念。根據LoFT網站介紹，ワナドゥ!!手帳自2015年6月面世至今，已提供超過  五十五種專門手帳  予消費者。幾乎所有數得出嘅興趣，你都可以搵到一本係為嗰門興趣而設嘅手帳。同行朋友不是文具控，但見到這堆分類仔細的手帳都驚嘆一句「唔係呀嘛」。

講真，用嚟plan嘢嘅手帳就聽得多，單純「記錄」嘅手帳玩到咁，連佛像觀摩都有，真係日本人先諗到。

由於思奇是個戲迷，所以就敗了本「映画手帳」回來。

封面就是首圖大家見到的，這是封底：

附有使用方法，用《Suicide Squad》做範例，可想而知這個版本是最近期的。不過《Suicide Squad》都可以有87分係咩玩法？

掀開書腰，手帳的封面是這樣的：

好奇其他手帳會用什麼icon。

翻開內頁，你首先會見到的是「如何讓手帳豐富起來」的使用方法（笑）

 

鼓勵大家觀賞電影之餘要多影相記錄，日本人是有多喜歡做手帳呀？（笑）

之後是色彩繽紛的圖畫頁，有各種與電影相關的影像：

 

一年看50部電影……聽起來好似好多，但一年就有50多個星期，平均才一星期一部，對網絡世代來說不是難事，事關串流streaming的渠道實在太多，單是Netflix和YouTube已足夠，而且不一定要一次看完。如果你會參加各大小電影節，一星期內看多部是平常事啦！你有錢起上嚟仲可以瘋狂上iTunes Google Play Amazon租戲睇。冇錢嘅話，可以靠免費電視台，雖然是否合口味就是另一回事。再唔係……你懂的～

Yes，I have no life。ORZ

接下來就是詳細使用方法，好有以前寫紀念冊的感覺：（#年齡曝露，其實而家啲細路仲會唔會寫？）

「電影紀念冊」主要分成兩部份，分別是電影筆記和個人總排名：

 

個人總排名比較簡單，不多詳解。戲玉在於筆記部份，不只可以詳列電影的基本資料同觀映途徑，更好玩的是可以就「故事」、「音樂」和「主演」三方面評分。講真，有時啲戲呢三分方面真係可以好唔平衡的。

《Suicide Squad》故事有4星係咩事？

最後，手帳還有一些電影資料，例如歷來票房排名、各地大型電影獎，還有日本電影在國際頒獎禮上的得獎紀錄等：

 

呢啲咪叫專業囉。

介紹完畢，就來「使用篇」（喂）。使用前的筆記頁和排名頁是這樣子的：

 

使用後：

字很醜請大家很仁慈地無視……戲票未貼上去是因為會讓下一頁凹凸不平，寫起字來不順手，會寫幾篇才貼上去。

用後感覺是：手寫很美好（笑）。敗這本手帳時我是猶豫的，但朋友一句：「有時啲諗法唔寫低就會冇咗」，我決定敗。個人來說，除非那部電影失敗到完全令人無感，好多時觀映之後都會想到好多，但是那些一閃而過的想法，更多時在電腦面前就會快速消失……至少我真的有這個毛病，不然不會大費周章開一個IG分部來記錄映後感想吧。IG唔係唔好，短小精幹，沒有時間寫長篇文章時就最適合，而且唔係部部戲睇完都會有一大堆感想，但問題係一定要有圖。尋找適合的圖片同組織文字的過程，對我這種易分心的人來說，好易變成「組織可以見人的短文」，偏離「留下觀映感想」這個原本的目的。手帳比較私人，加上真真正正以文字為主，戲票呀、圖片呀，有冇都冇所謂，最多都係單調啲啫～作為一個懶人，如果要令那一格豐富一點，我覺得可以善用宣傳單張，或由雜誌剪輯相關報導，或者是自己畫公仔。

呃，是的，我用了《KONG: Skull Island》來做第一篇……但認真，套戲唔差。

在《KONG: Skull Island》後不久又看了三部David Bowie主演的舊片（係，我仲未發掘完）。由於是經YouTube和Netflix收看，沒有戲票，又不想那一格空蕩蕩的，就試試用不同的筆抄對白：

然後發現紙質出奇的好（重點錯）！這裡抄的是《The Linguini Incidence》中男主角Monte的對白，水藍色的是Pentel Sign Pen，0.8mm，屬日本限定「I'm Doraemon」系列之一（這鏡影不到筆上的豆沙包），根據包裝說明是水染性墨。另外還用了些MITSUBISHI螢光筆加色。兩種筆，一新一舊，寫出來墨沒有化開，而且 冇 過 底！另一頁用配了Pilot Ink Cartridge的微笑筆寫都冇化冇過底！即是說我可以盡情塗鴉，順道練字！

不過要小心唔好擦花就好～

有時見外國有不少人會動手自己畫筆記都好羨慕，心郁郁又想整一本，不過明白自己三分鐘熱度，這類有格式但又可以自由發揮的手帳就剛剛好。不奢望自己會一直寫，至少把這一本寫滿寫完就可以了，怎麼說都是用真金白銀買回來的呀（喂）！

如果有興趣可以到這裡～