幸會，博士！！

4月，我正式成為BBC經典奇幻劇《Doctor Who》的fans，亦即Whovian。

對《Doctor Who》慕名已久，所以Netflix年初於香港開播時，我第一個search的就是《Doctor Who》。不過當時Netflix片庫有多「小」，相信大家都有印象；是氣餒的，但考慮到還有播映版權這回麻煩事，也就不敢有太大期望，心諗年底前上到架已經巧叻叻㗎喇。

3月31日，收到Netflix通知《SHERLOCK》上架！但最估你唔到嘅係連《Doctor Who》都有喇！雖然只有5季「新版」，第4季更只有最後一集，但終於都可以無痛跟住Doctor上TARDIS周圍去喇！！！


Exactly就係咁嘅反應。

咳哼，應該已經有讀者看不明白……老實說，雖然addictive，但《Doctor Who》的入門門檻是他X的高。入坑之前，初心者需要留意以下幾項事情：

一、 Doctor唔係人


我們的主角Doctor的確唔係人類，而是一種叫「Time Lord」的遠古生物。有人類外表，卻有兩顆心臟，智慧和智力均是宇宙眾多種族中數一數二的，生性愛好和平，總擔當「宇宙調解專員」。除了優秀體質，Time Lord是可以「regenerate轉生」的，即使遭受致命重擊，亦能以全新外貌繼續生存，因此Time Lords都超長壽；Doctor現年就1400多歲（其實應該唔只）。

因為種種原因，Doctor一直隱姓埋名。值得留意嘅係，雖然Doctor一直強調自己係最後一個Time Lord，但宇宙中係仲有其他Time Lords嘅。

二、 Regenerate、rebrand、revitalise


首次讀到Doctor的能力就想到：「原作者聰明到犯規。」Regeneration不只令Doctor可以一直由不同演員接棒飾演，更為編劇製造超大的發展空間：Time Lord轉生，不只外貌會收變，連性格、喜好、辦事方式等都會改變，甚至失憶；基本上每次轉生就是變成另一個人，對編劇嚟講係極好玩嘅事。如此一來，regenerate的不只Doctor，而是整個節目。

《Doctor Who》1963年首播，共26季，是為「舊版」。1989年播出最後一季後，除1996年的電視電影，直到2005年才推出「新版」，起用外形不怎「博士」的Christopher Eccleston飾演第九任Doctor，成功更新劇作形象及擴大觀眾群。第十同第十一任就分別由更年輕的David Tennant和Matt Smith接任，時年27歲的Matt Smith成為最年輕Doctor，兩人「boyfriendable」嘅演繹亦俘虜唔少迷妹，就算新任係一頭銀髮嘅Peter Capaldi，都毋阻大家對佢嘅愛～（喂）

利申，「boyfriendable」唔係我講，現任監製Steven Moffat一早已經形容呢兩任Doctor係「good boyfriend」（笑）。

David Tennant我唔敢講，但Matt Smith真係超可愛，好似Teddy Bear咁令人想攬攬 ////w////



Can't agree more, Doctor. >w<

三、 TARDIS, Companions & Sonic Screwdriver


TRADIS全名為「Time And Relative Dimension In Space」，是Doctor的時光機兼居所。外表是一座報警用的藍色電話享，裡面卻是佈滿機器的超大空間。Doctor乘TRADIS穿梭於宇宙時空，解決紛爭，更多次拯救不少星球的滅亡危機，包括地球。

當然同時也樹敵不少，其中最為人熟知就是機器人外表的Daleks。

「all of time and space, everything that ever happened and ever will – where do you want to start？」即，成個宇宙唔同時空任你玩，《Doctor Who》世界觀有幾大，慢慢想像。

除了TARDIS，Doctor更有多名「Companions同行者」結伴同遊，很多時候同一任Doctor會有多位同行者。Companion多數是人類女性，亦曾有女性Time Lord（Time Lady Romana）和人類夫婦（Amy Pond and Rory Williams）。Doctor的同行者就好比福爾摩斯的華生，是助手、是朋友，更是觀眾可以代入及觀察Doctor的存在，因此同行者的地位在新版演繹中愈見重要。



跟類似的超能角色不同，Doctor自己本身沒有武器，唯一類似的是「Sonic Screwdriver」，可以解鎖、讀取資料、療傷等，基本上是任何事都可以用Screwdriver去完成，唯獨不會對木材起作用。

TARDIS跟Screwdriver受到破壞後都會更新，所以幾乎每一任Doctor都有新版本用。

四、 英國文化超級icon


Sorry圖文不符……

60年代起行，聰明的設定令《Doctor Who》長做長有，近年更因互聯網的發展而極速風行到世界各地。事實上，剛結業的亞洲電視就曾播放舊版，新版首三季亦於2006至09年間於國際台播放。如果你偶有轉台去國際台，或會對當時的譯名「異世奇人」有印象。思奇自己明顯從沒有細看，可能因為劇情太超展開，跟不上，沒有深究就轉回明珠台……（嗯？）

好，我認衰女，慣性就係慣性。Orz

由PBS電視台到Netflix，Made in UK的《Doctor Who》在美國一直有根基扎實的fandom，不容小覬。我也是因為美國聲優Crispin Freeman於一場panel中提及，才好奇上wiki找資料。

一係唔搵，一搵就落坑。

睇到呢度，你可能會問我都做咗啲少功課，何以仲覺得「門檻高」？Trust me，I am the viewer（喂）：前年趁第八季開播找了第一集來看，雖然是首集卻偏偏有不少劇情集中在解決Doctor的轉生後遺症，跟上一季連繫太強又超展開，摸不著頭腦，要先放棄。「超展開」可以說是《Doctor Who》的同義詞，大量時空旅行橋段容易令人頭大，低成本製作更係保證唔會有靚CG同特效；看倌除了要抱持極開放的態度外，更需要找到「易入口」的季度，先唔會走寶。當然，理想是由舊版第一季開始，但身為海外觀眾要找回60年代的英劇談何容易？建議還是由「新版」開始。

到底由哪一季開始較好？個人經驗，Peter Capaldi的第八季不是最好的選擇（笑）。按常理推斷，Christopher Eccleston的第一季身負revamp重任，該是最好選擇，可是Netflix上沒有，看倌可要「用自己方法」去找了（笑）；David Tennant的第二至四季亦同樣如是。Netflix上雖有第四季，但只有最後一集，同樣有點一頭霧水。

接著再來看看Matt Smith的第五至七季。出乎意料，第五季連幾乎零功課的家母看得很津津有味：「係唔太明，但又幾得意、幾好睇。博士好過癮。」家母同我一齊煲咗第五季頭四集，以為佢會慢慢冇興趣嗰陣，反而坐定定睇晒！非迷妹的意見，可以count on吧（笑）。技術上，第五季直接由第十一任博士跟同行者Amy Pond相遇開始，作為新觀眾只要記住Doctor的基本設定和世界觀就可以了，算是輕鬆。就頭五集而言，劇情編排是意外地緊湊，其中〈The Time of Angels〉和〈Flesh and Stone〉這兩集更拍出驚慓片的味道。