係好玩嘅 - Pokemon Go玩後感

Pokemon Go由一個愚人節玩意到成為事實，係唔簡單嘅，所以香港一上架都加入訓練員行列，用個心cosplay小智。

先聲明：自己一直唔多玩手提電話遊戲。一來平時已經要花8多個小時在電腦螢幕面前，有時間不如讓眼睛休息吧，二來就是怕電量不夠——charger好重（踢飛）。不過並非完全不沾邊，以前keyboard機年代會玩貪食蛇（誰不會玩呀），開始用smart phone之後，真是有投放時間去玩的大概只有Angry Bird、Draw Something和那個為Leo在OSCARS打氣的Leo's Red Carpet Rampage（笑）。

Candy Crush？Thanks but no thanks。一開始已沒有意欲去玩。

所以這次連我都打敗了，可見Pokemon Go的魅力有多大。


說穿了應該是集體回憶作祟。港譯「寵物小精靈」的Pokemon（那個寶什麼我不會讀！），雖然自己只是on and off看動畫，但劇中角色跟一眾精靈，還有基本設定都是知道的，算是童年一部份。Pokemon在90年代末至00年代初風靡全球，那時候還有個美國男孩為了得到罕有精靈卡，把妹妹賣給同學！那些年，即使沒有看動漫畫也應該聽過此作，還有那一隻黃色可愛生物比卡超。有此背景，Pokemon Go的出現，加上遊戲利用AR技術將「捉精靈」一幕帶到現實，很難不教八、九十後為之瘋狂。

7月25日，萬眾期待的Pokemon GO香港上架。雖然自己是Pokemon「有限公司」，但今次呢個墟咁大，唔係唔湊下化？同日就以「捉到比卡超」為目標download了。

開局前的介紹畫面。大木博士幾時變到咁靚仔？（壞）

事前沒有看介紹，加上自己毫無打機經驗（所以每當有朋友興奮講打機都是水過鴨背XD），一開局見到「御三家」在腳邊也不懂去捉（笑）。後來手滑按到小火龍，才知道要怎麼做。


不得不讚開發商利用AR這點子。見到小火龍在keyboard上彈吓彈吓又真係幾過癮！預告中玩家可以變出精靈球然後拋出去，現實當然未有科技可以做到，但結合AR至少大大提升真實感，「收服精靈」呢件事突然有說服力咗。

後來發現AR食電就disable咗佢（笑），結果唔至冇咁易冇電，仲會安全啲，冇咁易PK。

IT同事解釋，遊戲用彩色畫面，又GPS，一定會比其他較簡單的耗電。第一日玩到冇電，第二日就要帶charger返工……雖然係煩，但「想捉比卡超」呢個心理竟然令我重拾早上散步呢個習慣！第二日朝早好神心地早三個站落車，慢慢行返公司！果然，俾我搵到火箭兵團台柱喵喵怪呀喵！懂人話的精靈怎可能放過喵！（煩）

然後就要說Lure Module這回事。開啟Lure Module，30分鐘內就會吸引精靈到你身處的補給站Pokestop，而且不只你一個受惠，所有在那個Pokestop的玩家都會更易捉到。自己的公司位於office區，心急的白領訓練員肯定不少，因此長期有Lure Module加持，莫說收服精靈，升級也不太難——我沒有去過道館的。

第三日開始有點不耐煩，但都心甘情願大大加長投放在遊戲的時間，連乘車也不放過，結果未到公司已經開始眼瞓——每次震機都好緊張，有時閉目養神不夠10分鐘就震，卻只係一街都係嘅「波音蝠」！（怒）不過捉得多，有助於不能去道館的情況下升級，也沒所謂啦。

後來利用PokeVision這個網站，偶爾check一check，附近有先開機，可以比較輕鬆（笑）香港人嘛，就係鐘意以最少力去達到最多成效。

所以不難理解PokeVision被開發商當成cheat，人家的原意就是要你（漫無目的）到處走找精靈嘛……（壞）現在目標變得明確，開發商表示不過癮。

然後，多得同事通知，公司出現比卡超！成功收服！


此圖名為「收工」。（喂）


總結：係好玩嘅，尤其嗰份微弱嘅滿足感，因為有時搵到都未必捉到。遇到罕見精靈或CP值不低的，即使用精靈球收服了，它還是有機會跳出來，拒絕收服！用多幾個精靈球之後成功的話，的確會開心一陣。有次碰見火蔥鴨，見到佢拎住顆蔥咁得意就用咗幾個精靈球收服，殊不知原來是亞洲限定！話嗰一刻唔沾沾就呃你啦！


另外那像是城市定向的玩法也值得一提，有時刷Pokestop時會發現一些平常根本不會留意的地標！上圖那個Michael Jackson，是經過銅鑼灣時見到的，原來有這樣的地標？

自己一開始是以收集者心態加入，亦明白自己唔擅長遊戲對戰，踢館什麼的都沒有多想（現實是因為家附近沒有道館……），所以在收服到「御三家」、比卡超、喵喵怪和傻鴨就心滿意足。現時的狀態是，依然有不時check一下，但意欲的確開始下降。收集到一定程度，興奮用盡，追蹤密度自然會下降，加上遊戲內玩家之間交流不多，對不入道館者更甚。獨樂樂，熱度退得快似乎也是在所難免。聽聞之後會更新，加入交換精靈和朋友對戰系統，用social力量保鮮遊戲。始終現在是電子年代，事事來得快，亦去得快，假如只是玩家自己同自己玩，玩法又沒多變化，不難想像有日會飽和。

Po文之際推出升級版，只是見會有機會流失原有資料就作罷了。

以上，就是一個單純湊熱鬧的人的玩後報告，至於自己會可以堅持多久？這真的不知道。（笑）