Brett Anderson and Band Live in Hong Kong 20070814

雨。

剛剛同甜甜去睇完Brett Anderson個live返黎，不錯，都叫盡興而歸。不過，Brett，超少少時都冇壞呀做咩唔encore喎…嗚嗚…我仲未睇夠你既蛇舞架！（後來知有內情，其實大家叫encore個時Brett有同啲staff講數，但個staff唔俾。大家唔好怪錯好人，Brett自己都想encore的。）

其實都仲有D亂，可能係一切都黎得太快？多數啦，雖然都預個concert會短，但當Brett話《Beautiful Ones》係last一首真係「野」一聲架。好似未睇夠咁，咁又真係未睇夠既。我都知你剛剛至係日本做完Summer Sonic，但香港嘅fans都等左好耐的。其實咁講可能cruel左啲，但事實個concert真係好似陣風咁就睇完，唔夠。（笑）

唔夠還唔夠，今次都好抵，超級「物有所值」。因為本以為會做死成晚「山邊的朋友」嘅我地，今晚衝左出去呀————（消音）話說初初入場個時個個都好守規矩咁坐響自己個位，啲櫈背仲有個套寫住「請勿站在椅子上」。（笑）一路等嗰時仲同甜甜暗罵前面一個好大隻既男仔，阻住視線，後來一熄燈，啲人真係好似有啲什麼什麼mode開左咁衝上前，同企上啲椅度！！都好壯觀的。見到咁，我即刻拉住甜甜衝上前，去到red／貧窮zone第一行！！係就係仲有距離但視野好好——喂都叫見到band members嘅五官啦，好好架啦，其實都仲想行前少少，但又怕可能冇剛剛呢個位咁好，所以穩守第一行得架啦！

剛剛企定Brett就出場。今晚佢著黑色西裝外套、白色shirt、牛仔褲。好簡單但都好萌，本來仲以為個concert係冇得嗌，但Brett一出已經out of control咁嗌。佢真人有魅力過上鏡好多啦，老實講，雖然冇Suede年代咁seductive，man咗好多亦有神好多，但依然可以用性感去形容佢。好似仲要比出solo album嗰時清減左？唔知，我淨係知佢真人都好萌。（笑）一開場，arrangement好rock，仲以為會係Suede做opening，點知係solo album入面嘅《To The Winter》！好surprised，之前都冇估到Brett會咁玩，因為solo album嘅歌首首都好sad的，at least個tone sad先啦。I mean，唔會聽到個人有high嘅心情。但一經佢咁rock化之下，可以話係完全兩回事。台下嘅我地HIGH不在話下，其實台上嘅各位都好高漲，睇得出Brett san自己都係enjoy既。之後就係solo album入面嘅favorite——《Love Is Dead》，rock化之後仲正，雖然首歌本身應該要sad，不過因為solo album入面最熟呢首，又有得rock住唱，真係跟得好HIGH。

後來的都係solo album的，是《One Lazy Moning》。呢首我有拍到少少片，不過最終都放棄。話就話專程問Yukiru借佢部D-Cam，但唔熟手加要拎住，又唔唱得，唔OK囉。所以同自己講句「算數」就將部D-Cam收返起，好好咁發顛。後來唱到第四、五首到，Brett開始發顛，加上之前幾首都唱得好肉緊，熱到除外套——係冇野睇架啦，但事實在場都有唔少人好似我咁「係咁二」尖叫。對不起，失儀啦。不過最失儀應該係Brett跳蛇舞個時，因為之前有朋友話Brett上次The Tears個時都有，加上之前睇返Suede嘅MV，好萌佢啲扭腰位。所以如果話最期待個show會睇到嘅，應該就係Brett嘅招牌蛇舞。好正，可惜扭得唔多。

之後，第一首Suede出現啦——《Everything Will Flow》！又來rock化，成個tone轉晒，唔high都搞到好好好好high。果然都係Suede多人鐘意啲，大家一recognize到即刻尖叫，而且合唱都特別齊，氣氛好到不得了。我而家都唔係好記得自己當時點顛法，唯一可以講嘅係真係放大聲去唱，唱到幾乎要失聲。其實點講都未有MUSE個次咁顛，性質唔同，加上企嘅嗰啲櫈係軟的，跳唔到好辛苦。

後來有兩首acoustic，《A Song for My Father》同《Wild Ones》。係live定錯覺？好似Brett拎結他都好睇啲咁，雖然《A Song for My Father》點講都係sad，但係呢個context之下反而又好romantic。《Wild Ones》好好，係Brett把聲已經開始沙啦，後尾啲高音有部份盡晒都去唔到。呀，Brett，係你已經唱唔到定之前有show未回氣？可能因為咁今晚有啲歌個key係轉得低左。不過都跟到就OK啦。講返轉頭，可能係solo concert嘅關係，今晚嘅Mr. Vocal係多野講好多的。（笑）不過Brett嘅accent好重，其實真正聽得好清楚既得嗰一兩句，最開心都係咪佢突然用Cantonese講「多謝」！係就係例行咗啲，但好奇怪嘅係無論點大家都會好受落。可能真係因為呢一下好似將performer同觀眾嘅距離好直接咁拉近左。總結，我聽得最清楚嘅，除左greeting嗰幾句，就係「We've sung 18 fucking songs tonite. It's not bad, huh?」。好聽唔聽，啲foul language就聽得最清楚。仲有佢自嘲話「Sorry for my shitty guitar playing...Haha, it's your lucky nite.」，講完仲自己傻笑，個scene好得意，好似突然細個左咁。

講到encore，其實又好似MUSE咁係偽encore？但個set list就好得不能再好啦！《Can't Get Enough》、《Trash》，同埋我嘅most favoriate、因為呢首至愛上Suede嘅《Beautiful Ones》！！！好愛佢將《Beautiful Ones》放到最後，唔得呀，聽到係呢首勁開心，因為真係冇理由唔出架！最熟加最愛，同你講我唔HIGH到頂點真係好呃人。返屋企個時都勁煲。（笑）至於《Can't Get Enough》，其實好中，有邊個get enough嘅舉手然後去同我去切腹啦！

正如之前咁講，個concert好似陣風咁就睇完，其實人人都唔夠，所次就算成隊band走晒都照叫encore，叫左都有成4個字呀！大多數人even開埋燈都唔肯走，等到啲帶位哥哥趕先走。其實中途bass手自己有出黎開機同tune結他架，個個以為真係有encore嘅時候，就有個staff出黎好大動作咁做割喉手勢……話就係同bass手講要完，其實示意我地個show真係完左先係用意。搞到Mr. Bass好無奈咁要返後台，仲要俾人「hur」先慘……鬼咩，後來朋友講返先知除咗staff唔肯，其實係panel走咗。可惜呀……

不過真心講，知佢肯同大會方面講數已經好感動啦。

就係咁，Brett Anderson嘅solo concert係呢個小不滿中完結。但overall我係enjoy的，雖然未至於好似MUSE咁正（算吧MUSE係Best Live Band呀，冇得講架…），至少Brett再黎會再去。（笑）

認識Brett Anderson係The Tears先至知，可想而知識Suede係更遲：某日甜甜俾《Beautiful Ones》我聽先一聽上癮。不過，我硬係覺得係好耐之前聽過。Brett超特有唱腔好難形容，好似一直要人聽上癮咁。所以，縱然起初有啲雞肋——我唔係咁big fan架咋——不過整整吓令我覺得今次唔去唔得。經過今晚，我肯定冇去一定後悔。
_____________________________________________

Brett Anderson and Band Live in Hong Kong 2007
Band Members: Brett Anderson (Vocal, guitar), Jim Dare (Guitar), Matt Osman (Bass, from Suede), William Foster (Keyboard), Sebastian Sternberg (Drum)*
August 14, 2007 Hong Kong Convention and Exhibition Centre Hall 3
2030-2200

Set List:
To The Winter
Love Is Dead
One Lazy Morning
Dust And Rain
Everything Will Flow
By The Sea
The Color of The Night
Song For My Father
Wild Ones
Back To You（最surprised係有呢首）
The Infinite Kiss
She
Film Star
Saturday Night
Can't Get Enough
Trash
Beautiful Ones